الرئيسيةس .و .جبحـثدخولالتسجيل

شاطر | 
 

 مجموعه من الابو ذيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
QQ((7SONI))QQ
رئيس اقسام الاغاني والطربكة
 رئيس اقسام الاغاني والطربكة
avatar

ذكر
عدد الرسائل : 4086
العمر : 25
المزاج :
هوايتك :
السٌّمعَة : 1
تاريخ التسجيل : 17/10/2007

مُساهمةموضوع: مجموعه من الابو ذيات   21/4/2008, 6:50 pm

تعتني الروح مرة ومرة تلها.
ليالي شكثر صعبة مرت الها.
همر قلبي وتاهت من رتلها.
تعال صير عبوة وطك عليه



حرت شكتب على البداع شطري
استحه من اشطوركم ماطال شطري
اعرفكم عليه اصل شطري
يعني احد افراد الناصريه


نحيل الجسم من بعدك تراني
واريدك دوم بعيونك تراني
افكر بيك كل ساعه تره اني
احبك حيل يل كلك اليه

تطش روحي ابدرب اضلم ولمهة
ونة الحاير بالامي والمهة
ابوهة كل ذنب مالة ولا امهة
الذنب ذنبي هويت ابلا وعية


الكلب عاف البشر كلها والك راد
مشى وسافر تذكركم والك راد
عرب ما طيبوا علتي ولاكراد
دواي انت يهل مبعد علية

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد اليه


زبد يا ملمس الوجنه ... من الحر
اخاف تموع من تمشي ... من الحر
ابنادم صورك ربك .... من الحر
وانه الدافع ثمن هاي البليه



وكع كلبي بغرامك ماتشيلة
ترى كلبي تعذب ماتشيلة
اخابر وانت تسمع ماتشيلة
وينك ياحلو بس رد علية


احلى من البدر يا اسمر وصفناك
ولكل مريض انته الدوه وصفناك
يا حافظ الله يسترنه وصفناك
كلي اشتعل من تصفن عليه

ما أدري شكضه من الليل وشتم
ومن خدك أحوش الورد وشتم
وأعذرك حيل سبني بزعل وشتم
تره شما تشتم ثواب لوالدية

الدمع مرات مو بس حزن..يعني
ثكيل وبس عليك الجدم..يعني
على احوالة سألته وكال..يعني
ومعنى اليعني مالك غرض بية

مريض وصعدت امراضي على شفاي
وطب لندن فلا يكـدر على شفاي
حبيبي من تحط شفتك على شفاي
اطيب ومايضل كل مرض بية



نص احترك من هجرك ونص طاف
وغرك نصي ابحر حبك ونص طاف
يريت المدرسة ترجع ونصطف
وابدلك بالعلم واخذ تحية


دمع عيني المناشف منشفتهه
غميت وطحت كلي من شفتهه
اخذت العام بوسه من شفتهه
لحد هاي السنه مغمه عليه




يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه

اريد الدنيا تصفى وياي بس يوم
واشوفك ياكحيل العين بس يوم
تنوح امي عليه وصحت بس يوم
الذنب ذنب الحبيب قاسي عليه



نصحته ولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نص حاي
نحيـــل ولا اثــــر نكاد بيه


وحك ارموشك الحلوه...وعينك
انا بالشده واكفلك...وعينك
لون بيدي لنصبنك...وعينك
ملك تحكم على كل البريه




عجيبة تريد تنساني وانة اسلاك
اظنك لاگي من غيري ونس لك
أريد اعرف شنو اصلك ونسلك
وشنو انتة يبو اطباع الردية



يامن بالكلب والروح حليت
اجرعت مر الصبر وهواي حليت
الك جم مشكله ياحلو حليت
وهواك المشكله الصعبت عليه

أريد ارجع على العشرى و انخاك
لان دم الوصل واحد و انا اخاك
ادري الوكت هد حيلك ونخاك
لاكن تدري وكتي شسوه بيه


اجيلك عمـر يسـمر ماتجيلي
وثياب الحزن ضاكت ماتجيلي
كضت كل الرفاكه ومات جيلي
وبقيت انت وتشح وصلك عليه...




عليك المات والحي سائل انه
صلب لاكن لربعي سائل انه
وكفت اباب بيتك سائل انه
وذا ماتجي هم اسئل عليه

_________________
[
center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Adm!N
أبـــــــو نمـــــــر
 أبـــــــو نمـــــــر
avatar

ذكر
عدد الرسائل : 5064
العمر : 29
المزاج :
هوايتك :
السٌّمعَة : 2
تاريخ التسجيل : 18/09/2007

مُساهمةموضوع: رد: مجموعه من الابو ذيات   22/4/2008, 4:34 am

عاشت الايادي كاكا عـ هالابوذيات الحلوة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://citzenmust.topgoo.net
oldman
رئيس أقسام الصور و الفضائح
 رئيس أقسام الصور و الفضائح
avatar

ذكر
عدد الرسائل : 1400
العمر : 34
هوايتك :
السٌّمعَة : 0
تاريخ التسجيل : 27/02/2008

بطاقة شحصية
ألاسم: oldman
نص:
مشرف/ة:

مُساهمةموضوع: رد: مجموعه من الابو ذيات   22/4/2008, 5:11 am

حرت شكتب على البداع شطري
استحه من اشطوركم ماطال شطري
اعرفكم عليه اصل شطري
يعني احد افراد الناصريه


شكرا على الابوذيات الروعه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعة بريئة
| حشاشة شنيعة | مشرفة منتدى التحشيش
 | حشاشة شنيعة |  مشرفة منتدى التحشيش
avatar

انثى
عدد الرسائل : 2414
العمر : 29
هوايتك :
السٌّمعَة : 0
تاريخ التسجيل : 03/06/2008

بطاقة شحصية
ألاسم: دمعـــــــبريئةـــــــــــة
نص:
مشرف/ة: التحشيش والتقفيص

مُساهمةموضوع: رد: مجموعه من الابو ذيات   29/6/2008, 11:21 pm

وكع كلبي بغرامك ماتشيلة
ترى كلبي تعذب ماتشيلة
اخابر وانت تسمع ماتشيلة
وينك ياحلو بس رد علية

ما اعرف شوصفك يا حلوووو
عالابوذيات الي تخببببببببببل وانفلااقية
عاش ذوقك

_________________




اذا اردت يوما شيئا فأطلق سراحه
ان عاد اليك فهو ملك لك الى الابد
وان لم يعد فهو لم يكن لك منذ البداية
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مجموعه من الابو ذيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ألــمنتديات ألادبــية :: منتدى الدارمي والابوذية والزهيري-
انتقل الى: